電視餸飯

一台報導馬拉松花邊新聞
訪問其中兩位得意跑手
身穿的不是運動裝
而是鯊魚套裝
搞笑中帶點可愛
可愛中不乏一點憂鬱
他們參戰馬拉松目的
只為宣揚請勿追殺鯊魚信息
搶走記者手中的米高峰大叫
“唔好再殺鯊魚 !!! 禁食魚翅 !!!
快要絕種 !!!!!”

受不了他兩高聲巨響
我媽立即轉到二台

電視中出現一位名食家
帶觀眾到一家有名的古老酒家
介紹大家一個菜式
—-雞燉翅—-
他出奶力推介著

“老酒家用料足
味道好 絕不馬虎
大家睇下全部係排翅
其實食魚翅最緊要是湯底
湯底一定要好
點解呢
因為魚翅本身無味
一定要靠個湯底正
嘩 正!!正!!正!!”

一排排翅落入口中高呼正斗

看後我致電聯絡名食家問

” 你自己都知道
魚翅本身無味
你仲食黎做咩
淨飲個湯咪算
佢無味你都係咁話好食
希望你真係食口感
希望你唔係食佢既虛榮
希望你唔係食佢既罕有
希望你真係好識得好識得欣賞魚翅既質地
如果唔係鯊魚們死得很可憐
牠們盡一切能力避開追殺
又盡一切能力令到自己魚翅部位淡至無味
人算不如天算
就算魚翅無味
依然好味
好地地無味咪放過人啦
就絕種了
請立地成仙 善哉善哉”

名食家答
“小兄弟放心放心
我們捕鯊魚不是殺鯊魚
捕後取其魚翅之後
會將鯊魚放回大海
好讓牠們慢慢休養
絕種?
可能牠們對性無要求
傳宗接代困難啦
希望解答到你
再見”

“我現在明白問題出在那裡, 謝謝” 我答

  • Facebook
  • Sina
  • Twitter
  • Tumblr
  • Digg

Comments are closed.